Një bisedë telefonike e zhvilluar midis Donald Trump dhe Vladimir Putin ka përfunduar, sipas mediave shtetërore ruse.

Dyshja foli për më shumë se dy orë në një telefonatë që Putin e quajti “informuese, të sinqertë dhe shumë të dobishme”, shkruan RIA Novosti.

“Një armëpushim në situatën në Ukrainë për një periudhë të caktuar kohore, është i mundur nëse arrihen marrëveshje të përshtatshme”, thuhet se tha udhëheqësi rus.

Rusia është e gatshme të punojë me Kievin për një memorandum mbi një traktat paqeje në të ardhmen, citoi Tass presidentin rus të ketë thënë, transmeton Telegrafi.

Tass raportoi gjithashtu se Trump tha se Rusia favorizon një zgjidhje paqësore të konfliktit, pavarësisht se Moska nisi në mënyrë të njëanshme pushtimin dhe dërgoi vetëm një delegacion të nivelit të ulët të politikanëve të rinj në bisedimet e paqes të së premtes.

IFX raporton se Putin tha se shkaqet rrënjësore të konfliktit duhet të eliminohen – gjuhë që udhëheqësi rus shpesh përdor si kod për të nënkuptuar largimin e Volodymyr Zelensky dhe instalimin e një qeverie të ndërmjetme ruse, si dhe përfshirjen e pesë rajoneve ukrainase në Rusi. /Telegrafi/